1,404 Бардыгы /

Өзбекстандын Сардоба суу сактагычында дамба жырылгандан кийин Түркстан облусунун бир нече айлын суу катуу каптап, 30миңден ашуун тургун көчүрүлдү.

Казакстанда жергиликтүү бийлик бул окуя үчүн Өзбекстанды күнөөлөп жатат. Казакстандык аткаминерлер коңшу өлкө бийлиги кырсык тууралуу жеткиликтүү маалымат берип, эскертпегенин билдиришүүдө.

Кырсыктын кесепетинен аймак 404 миллион теңге чыгымга учурады. 4-майда Түркстан облусунун башчысы Умирзак Шукеев абалды жөнгө салуу үчүн Өзбекстанга жөнөп кеткени белгилүү болду.

Дамбанын жарылышына эмне түрткү болгону так айтыла элек. Өзбекстан аткаминерлери каттуу шамаал тосмонун алдыңкы бөлүгүн кыйратып кеткенин гана билдиришүүдө.

Кырсыктан кийин Өзбекстанда 70 миңдей киши көчүрүлдү. 4-майда Улуттук гвардиянын эки аскер кызматкери эвакуациялык жумуштар учурунда сууга акканы белгилүү болду. Бирөө өлгөн, экинчисин издөө уланууда.

WWW.