1,554 Бардыгы /

ЖАЛАЛ-АБАД. КР ӨКМдин Жалал-Абад облусу боюнча башкармалыгы райондук, шаардык бөүмдөрү менен биргеликте облус аймагындагы чарбалык обьектилерде жана турак жай секторунда өрткө каршы иш-чараларды жүргүзүп келишет.

Аткарылган иш-чараларга карабастан 2020-жылдын 4 айы ичинде облус аймагында 88 өрт кырсыгы катталып, андан келтирилген материалдык зыян 3 млн. 748 миң 208 сомду түздү. Өрт өчүрүүчү-куткаруучулардын ыкчам аракеттеринен улам 2 атуул, 3 автоунаа жана 47 млн. 097 миң сомдон ашуун материалдык баалуулуктар сакталып калынган.

Өткөн 2019-жылдын ушул мезгилине салыштырмалуу өрт кырсыгынын саны 36,2 % азайган, өрттөн келтирилген материалдык зыян 70 % азайган. Тактап айтканда, 2019-жылдын ичинде 138 өрт кырсыгы катталып, өрттөн келтирилген материалдык зыян 12 млн. 483 миң 644 сомду түзгөн.

Жогоруда көрсөтүлгөн өрт кырсыктарынын ичинен 11 өрт кырсыгы жаш балдардын от менен ойноосунан улам келип чыгып келтирилген материалдык зыян 202 миң 447 сомду түзгөн. Ошондуктан адам өмүрүнө жана денсоолугуна, материалдык чыгымдарды алып келүүчү өрт кырсыктарын алдын алыныздар.

Урматтуу Жалал-Абад облусунун тургундары жогорудагыдай өрт кырсыктарын алдын алуу, адам өлүмдөрүн, жарат алууларын болтурбоо максатында күнүмдүк турмушта, жаш балдарды  турак үйлөрдө же башка жайларда кароосуз калтырбоону, ошондой эле электр жабдууларын колдонууда, автоунаа менен жүрүүдө өрт коопсуздук эрежелерин сактоону КР ӨКМнин Жалал-Абад облусу боюнча башкармалыгы эскертет.Р.КААРОВ, КР ӨКМнин Жалал-Абад облусу боюнча башкармалыгынын ӨӨААжАКИБнүн башчысы, майор