1,144 Бардыгы /

Тажикстандык ишкер Фазлиддин Ахмадов базарлардын, ооруканалардын жана көп кабаттуу үйлөрдүн кире беришине орнотууга ылайыктуу дезинфекциялоочу кабина иштеп чыкты.

«Азыр адамдар колдоруна антисептик чачып жатышат, бирок кийимдери дезинфекция болбой калууда. Үйлөрүнө барганда балдары кучактап, вирус жугушу мүмкүн. Бул аппаратта атайын жасалган аралашма бардык тараптан чачылып, бир нече секунддун ичинде эле кийимди тазалап коет», — деди ишкер.

Кабинада дезинфекциялоо эки баскычта жүрөт: алгач тазаланган суу, 10% деохлор, 5% спирт жана эфир майынан турган аралашма, анын артынан курамында 65% спирт бар глицерин менен ароматизаторлордун аралашмасы чачылат.

Ахмадовдун айтымында, аппарат автономдуу режимде, кабинага адам кирери менен иштей баштайт.

Тажик бийлиги 30-апрелде гана өлкөдө коронавирус катталганын билдирген. 5-майга карата өлкөдө коронавирус 300гө жакын адамга жукканы, алардын бешөө көз жумганы расмий кабарланды.

WWW.