1,018 Бардыгы /

Актөбө шаарындагы “Көл-Auto” автотетиктер базарынын сатуучулары карантин чараларын жумшартып, жумушка чыгууга уруксат берүүнү талап кылышты. Нааразылыкка чогулгандар 30-марттан бери иштебей, каржы кыйынчылыктарына туш болгонун айтышууда.

“Көл-Auto” базарында соода кылган Мурат Еспаев Актөбөдө жергиликтүү бийлик аймактагы башка ири соода түйүндөрүнүн иштөөсүнө уруксат бергенин, тандалма мамиле жасалып жатканын айтты.

Башка бир ишкер Мария Куркунова базар 5-майда ачылып, эки күндөн кийин кайра жабылып калганын белгиледи. Анын сөзүн базардын администрациясынын өкүлү Ирина Моисейченко да тастыктады:

– Шаар акимчилигинин атайын комиссиясы соода борборун текшерип, “ал санитардык нормаларга жооп бербейт” деген бүтүмгө келген. 7-майда санэпидемиологдор келип, базарды кайрадан жаап кетишкен.

Анын айтымында, базардын аймагы 2000 чарчы метрди түзөт. Жүздөй ишкер соода кылат. Буга чейин Казакстандын Саламаттык сактоо министрлиги эпидемиологиялык абал жакшырса, 2000 чарчы метрди түзгөн соода борборлорунун иштөөсүнө уруксат берилерин маалымдаган.

Актөбөдө учурда айыл чарба техникаларын жана жабдууларын саткан түйүндөр, ”Илек” соода борбору жана Батыш Казакстан жарманкеси гана иштеп жатат.

Казакстанда 19-майга карата коронавирус жуктургандардын саны 6751 кишиге жетти, алдардын ичинен 35 бейтап көз жумду.

www.