920 Бардыгы /

Казакстан парламентинин сенаты мыйзамга «парламенттик оппозиция» деген түшүнүктү киргизүү, анын макамын жана укуктук абалын аныктоо тууралуу мыйзам долбоорун жактырды.

Документке ылайык, парламентте азчылыкты түзгөн партиянын депутаттары парламенттик талкууларды жана өкмөттүк сааттарды өткөрүү боюнча демилге көтөрүп, эки палатанын биргелешкен жыйындарында сөз сүйлөө мүмкүнчүлүгүнө ээ болушат.

Апта башында өлкө президенти Касым-Жомарт Токаев«Саясий партиялар жөнүндө» жана «Шайлоо жөнүндө» мыйзамдарга өзгөртүүлөрдү киргизүү тууралуу мыйзам долбооруна кол койгон.

Өзгөртүүлөргө ылайык, саясий партияларды каттоо үчүн мурдагыдай 40 миң эмес, 20 миң мүчө жетиштүү болот. Мындан тышкары документте шайлоого аттанган партиялардын тизмесинин 30% кем эмес бөлүгүн аялдар менен жаштарга (29 жашка чейинкилер) берүү каралган.

Активисттер бул өзгөртүүлөр бийликке ылайыксыз партиялардын келүүсүнө жана көз карандысыз талапкерлердин шайлоого катышуусуна тоскоол болорун белгилешүүдө.

WWW.