1,028 Бардыгы /

БИШКЕК. Вирус жайылган маалда ишинде кемчилик кетирген жооптуу адамдарга карата абдан катаал чаралар көрүлөт. Бул жөнүндө Биринчи вице-премьер-министр Кубатбек Боронов ресупбликалык штабдын атайын жыйынында маалымдады.

Кыргыз Өкмөтүнүн убактылуу башчысы тиешелүү кызмат өкүлдөрүнө алардын аткарган иштеринен калктын өмүрү көз каранды экендигин баса белгиледи: – Силердин ар бириңердин ишиңерден, жоопкерчиликтүү мамилеңерден, коюлган милдеттерди сапаттуу ишке ашыруудан, аларды аткарууну көзөмөлдөөдөн жарандарыбыздын саламаттыгы жана өмүрү көз каранды! Дагы бир ирет кайталайм, ишиңерде эч кандай калпыстыктар жана кемчиликтер болбоого тийиш.! Бир түзүмдүн жетишсиз иши башка ведомстволордун ишинин көлөмүн арттырууга таасирин тийгизет.  Бирок эң кооптуусу – ооруга кабылгандардын санынын көбөйүшүнө алып келиши мүмкүн. COVID-19 жайылган учурда ишинде кемчилик кетирген жооптуу адамдарга тиешелүү чаралар көрүлөт. Күз-кыш мезгилине жакшы даярдануу зарыл, ал маалда ооругандардын саны өсүшү ыктымал!

Биринчи вице-премьер-министр Кубатбек Боронов, ошондой эле жергиликтүү бийлик органдары коомдук жайларда санитардык эрежелерди сактоону көзөмөлдөп, коомдук унааларга жана таксилерге өзгөчө көңүл буруулары керек экендигин кошумчалады: – Коомдук жайларда, соода аянттарында, коомдук унааларда жана таксилерде санитардык талаптардын сакталышына туруктуу көзөмөл болууга тийиш! Муну менен катар таксилерди жана коомдук тамактануу жайларын тийиштүү дезинфекциялоо шарт. Мендеги маалымат караганда, кафелерде келген адамдардын ортосунда аралык сакталбай жатат, ал эми такси айдоочулары беткап тагынбай эле жүрүшөт.

WWW.