Аймак

СУЗАК: КОРДОЛГОН АЯЛ ЭКИНЧИ ТОПТОГУ МАЙЫП БОЛГОН

СУЗАК: КОРДОЛГОН АЯЛ ЭКИНЧИ ТОПТОГУ МАЙЫП БОЛГОН

 785 Бардыгы /

16-июнь күнү Жалал-Абаддагы Акипресс маалымат борборунда #Дильрабажалгызэмес  деген аталыштагы пресс-конференция өттү.

Пресс-конференцияда Сузактагы үй-бүлөлүк зордук-зомбулукка кабылган, күйөөсү машинанын шинасын илип, кордук көргөн аял тууралуу талкуу жүрдү. Ал бир нече жыл мурун жүрөгүнөн операция болуп,  экинчи топтогу майып экендиги маалымат жыйында билдирилди.

Бул пресс-конференцияга “Каниет” реабилитациялык борборунун, Сузак райондук эмгек жана социалдык өнүгүү башкармалыгынын, облустук ички иштер башкармалыгынын, “Акыйкаттык” уюмунун, Сузак райондук администрациясынын өкүлдөрү катышты.

Укук коргоочулар аялды коргоого алышкан жана ал учурда коопсуз жайда күн кечирүүдө экенин маалымдашты. Ал эми облустук ички иштер башкармалыгынын өкүлү кордолгон аял тосмо арыз жазып бергенине карабастан тергөө иштери акырына чейин уланарын билдирди.

Облуст аймагында жыл башынан бери 220дан ашуун арыз катталган. Алардын ичинен соттук кароого 40тан ашуун арыз жиберилген.

“Аймак”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17