2,730 Бардыгы /

Жалал-Абад шаарында Улуу жеңиштин 75 жылдыгына карата “Баатырлар аллеясы” ачылды.  Ага Жалал-Абад шаарынын вице-мэри Руслан Алтымышев, Россия Федерациясынын Ош шаарындагы консулу, Жалал-Абад шаардык ички иштер бөлүмү, калаадагы Славян диаспорасынын өкүлдөрү катышты. 
Аземдин ачылышында катышуучулар тарабынан Жалал-Абад шаарынан кандуу апаатка катышкан жети согуш ардагерлеринин эстеликтери ачылып, гүл коюлду. 
Тургузулган темир тактайларга согуштун каармандарынын сүрөттөрү түшүрүлүп, ысымдары чегерилип, алардын эрдиктери жөнүндө маалыматтар кыргыз жана орус тилдеринде баяндалган. 
Мындагылар тынч жашоого алып келген согуштун каармандарынын эрдиги эч качан унутулбастыгын айтышып, бул аракеттердин баары алар жөнүндө келечек урпактарга жеткирүү болуп саналаарын кошумчалашты.
Токтогул көчөсүндөгү Баатырлардын аллеясынан Жалал-Абад шаарынан Советтер союзунун баатыры наамына ээ болгон Василий Крикун,Тукубай Тайгараев, Михаил Бабкин, Рузи Азимов, Иван Немцов, Евдоким Мазков, Дмитрий Панфиловдор жөнүндө кенен маалымат алууга болот.

“Аймак”