2,064 Бардыгы /

ЖАЛАЛ-АБАД.  КР ӨКМдин Жалал-Абад облусу боюнча башкармалыгынын райондук жана шаардык өзгөчө кырдаалдар бөлүмдөрүнүн кызматкерлери тарабынан  Базар-Коргон районунун жана Аксы, Сузак, Ноокен райондорунун жана Таш-Көмүр, Майлуу-Суу жана Жалал-Абад шаарларынын аймагындагы көлмөлөрдө, суу сактагычтарда, бассейндерде сууга түшүү эрежелери боюнча эскертмелер таркатылып, сууга түшүү эрежелери жана чөккөн адамга биринчи медициналык жардам көрсөтүү боюнча түшүндүрүү иштери жүргүзүлдү.  Бул тууралуу КР ӨКМдин Жалал-Абад облусу боюнча башкармалыгынын  ЖКБнүн улук офицери, улук лейтенант А.Абдикапар у. билдирди.

Маалыматка ылайык, областыбыздын  аймагында  жайкы сууга түшүү мезгилинде  бассейндерде, сууга тушүүгө мүмкүн болбогон суу көлмөлөрүндө, дарыяларда, каналдарда  сууга чөгүүлөрдүн алдын алуу боюнча  ыйгарым укуктуу өкүлдүн  19.05.2019-ж. “Областын аймагындагы суу обьекттериндеги кырсыктын алдын алуу чараларын көрүү жөнүндө” №137-б  буйругу,  КР ӨКМдин Жалал-Абад облусу боюнча башкармалыгынын 2020-жылдын 10-майындагы №217 буйругу чыгарылып, район-шаарларга, мамэкотехинспекциясынын аймактык башкармалыктарына,  Жарандык коргонуу кызматтарына (коомдук коопсуздукту камсыздоо, медицина, өзгөчө кырдаалдар бөлүмдөрүнө жана мамэкотехинспекциясынын областагы аймактык башкармалыктарына   жиберилип,   аткарууга  алынган.  Бүгүнкү күнгө карата жалпы облус боюнча жер-жерлерде 48 жолу  425 жарандын катышуусунда түшүндүрүү иш-чаралары жүргүзүлгөн.

Эсиңиздерде болсун:

• сууга уруксаат кылынган жайда гана чоңдордун көзөмөлүндө түшүү керек;
• тааныш эмес, балыры көп, алыс жерлерге чейин барууга тыюу салынат;
• кайыктын, катамарандын артынан кубалап, асылууга, жабышууга болбойт;
• күн бүркөктө же катуу шамал башталганда сууга түшүүгө болбойт;
• үйлөмө матрацтарда, жаздыкчаларда, дөңгөлөктүн камерасында сүзүүгө болбойт, ал жарылып кетсе, адам кокусунан терең жерге түшүп кетет, бул сүзгөндү жакшы билгендер үчүн да коркунучтуу;
• көпүрөлөрдөн, тосмолордон, кеме токтоочу жайлардан, кайыктан жана катерлерден сууга секируугө болбойт.