885 Бардыгы /

Сузак районунун аймагындагы соода-сатык жайларында өрт коопсуздук эрежелерин сактоо максатында түшүндүрүү иштери жүргүзүлүүдө. Бул тууралуу Сузак райондук ӨКБнүн ӨӨжААБнүн башчысы, майор А.Осмонов билдирди.                         

Буга чейин 2020-жылдын 17-май күнү Сузак айыл аймагына караштуу Дом-Ата көчөсүндө жайгашкан “Али” аталышындагы соода дүкөнүндө өрт чыгып, дүкөн толугу менен күйүп кеткен болчу. Бул сыяктуу өрт кырсыктарын болтурбоо жана алдын алуу максатында өрт коопсуздук эрежелерин сактоону Сузак райондук өзгөчө кырдаалдар бөлүмү эскертет!

1. Базарлардагы соода жайларында, коомдук тамактануучу жайларда алардын ээлери, ижарачылары тарабынан өрткө каршы режимдин так сакталышын камсыз кылуу.
2. Базарлардагы атайын автоунаа жүрүүчү жолдорду ачык абалда кармоо.
3. Базарлардын, коомдук тамактануучу жайлардын электр зымдарын туура монтаждоо, дайыма оң абалда кармоо, электр щиттеринде жасалма коргогучтарды (предохранитель) колдонбоо.
4. Базарлардагы соода жайларында, коомдук тамактануучу жайларда электр зымдарынын кыска чагылышуусунан коргоочу автоматтарды орнотуу.
5. Базарлардагы соода жайларын, коомдук тамактануучу жайларын өрттү автоматтык түрдө табуучу жана өчүрүүчү жабдыктар менен жабдуу.
6. Базарлардагы соода жайларын, коомдук тамактануучу жайларын нормага ылайык баштапкы өрт өчүрүүчү каражаттар (огнетущитель, пожарный щит) менен камсыз кылуу.
7. Базарлардын, соода жайлардын күзөтчүлөрүнүн ишмердигине көзөмөлдү күчөтүү.
8. Базарларда, ири соода жайларында тиешелүүлүгүнө карап, өрткө каршы сырткы, ички суу булактары менен камсыз кылуу.

Өрт же өзгөчө кырдаалдар катталса, 112 же 101 номерине чалыңыздар.

“Аймак”