1,032 Бардыгы /

Өлкө аймактарынын ичинен башка облустарга салыштырмалуу Жалал-Абад жана Баткенде оору жуктурган адамдар азайбай жатканы айтылган. Мындан улам республикалык штаб аймактарда чектөөнү күчөтүү керектигин айткан. Деген менен көчөдө унаалардын жана элдин да агымы көп. Бирок санитардык эрежелерди сактаган эч ким жок.

 Социалдык мониторинг жана өнүктүрүү бөлүмүнүн башчысынын милдетин аткаруучу Асель Сансызбаеванын айтымында учурда абал турукташып баратканын, бүгүн облус боюнча 7 кишиден илдет аныкталганын айтты. Облус башчысы да район-шаарлардын жетекчилерине оорунун алдын алуу багытында тапшырмаларын берген. Баштагыга салыштырмалуу оору басаңдагандыктан стационарлардын да саны кыскарган. Алсак, облуста буга чейин 174 стационар ачылган болсо, учурда 48и ишин улантууда. Жалал-Абад шаарында күнүнө 300дөй бейтап кайрылып келген 100 орундуу стационарга учурда 50дөй бейтап кайрылып жатат.

 Облус башчысы ыкчам штабдын онлайн жыйынында Сузак, Аксы жана Ала-Бука райондорунда бейтаптардын саны азайбай жатканын билдирген. Сузак районунда эки мобилдик бригада түзүлүп, учурда 20га жакын чакыруулар орун алууда. Район боюнча Манас мектебиндеги стационар гана ишин улантып жатат. Ага бир күндө 40тай бейтап кайрылууда.

Белгилей кетсек, Жалал-Абад облусунда илдет менен жалпы 4 миң 85 бейтап катталган. Анын ичинен 3 миң 528 адам айыгып чыккандар. Учурда ооруканаларда 155, ал эми күндүзгү стационарларда жана үй шартында дарыланып жаткандар 246 адамды түзөт.

«Аймак»