1,332 Бардыгы /

Бүгүн, 1-сентябрда Жалал-Абад облусунда 22 миң 268 бала мектеп босогосун аттады.

Жалал-Абад шаардык билим берүү бөлүмүнүн башкы адиси Айнура Маданова билдиргендей  жаңы окуу жылына 1-класстарды кабыл алуу электрондук жүргүзүлдү. 1-класска аттанган окуучулар менчиктин түрүнө карабастан мектепке каттап окуйт. Калган класстардын баары биринчи чейректе онлайн режимде билим алат.

Жалла-Абад шаарындагы мектептердин босогосун бүгүн 2269 окуучу аттады. Мектептер илдеттин алдын алууда бардык санитардык нормаларды сактоосу зарыл. Бул багытта атайын комиссия да түзүлүп, түшүндүрүү иштери жүргүзүлгөн. Ал эми окуучулардын санитардык каражататтарын ата-энелер камсыздайт.

Эскерте кетсек, коронавирус пандемиясынан улам окуучулар 2019-2020-жылынын акыркы чейрегин да аралыктан окуп бүтүрүшкөн.

Ал эми өлкө боюнча быйыл 1-класска 156 миң окуучуга мектеп эшиги ачылды. Жалал-Абад облусунда 464 мектеп болсо, анын 42си авариялык абалда. 42 мектептин 21инде жаңы мектептер курулууда.

Бүбүсара ОРОЗАЛИЕВА, “Аймак”