777 Бардыгы /

ЖАЛАЛ-АБАД. Жазы-Кечүү кыштагы Базар-Коргон районунун борборунан 110 чакырым алыстыкта жайгашкан. Кеч күздө жана кыш мезгилинде жаан-чачындын айынан кыштактан борборго баруучу жол толугу менен жабылып келатат. 
Акыры минтип аталган айылга алгачкы ирет электр жарыгы берилди. Бул жөнүндө Жалал-Абад электр ишканасынан сүйүнчүлөштү. Аталган калктуу конушта 150 үй-бүлө жансактайт. 
–    Бул айыл райондун борборунан 110 чакырым алыстыкта 
жайгашкандыктан, кеч күздө жана кыш мезгилинде жаан-чачындын айынан кыштактан борборго баруучу жол толугу менен жабылып калат эле. Ушул жылдын жайында “Жалал-Абад электр” ишканасы өз күчү жана каражаты менен айылга электр зым тирөөчтөрүн орнотту, — дейт Кыргыз Өкмөтүнүн Жалал-Абад облусундагы ыйгарым укуктуу Өкүлүнүн биринчи орун басары Мамасалы Акматов.

Ошентип, Жалал-Абад электр ишканасы эки айдын аралыгында Жазы-Кечүү кыштагында бардык аракеттерин жасап, алты бригада туруктуу иш алып барды. Долбоордун аткарылышына жалпысынан 25 миллион сом сарпталды. 

Алишер ТОКСОНБАЕВ, өз кабарчыбыз