699 Бардыгы /

ЖАЛАЛ-АБАД. 16-17-сентябрда Базар-Коргон районунун Сейдикум, Кеңеш, Акман, Базар-Коргон айыл өкмөттөрүндө “Аймактарды комплекстүү өнүктүрүү” программасынын алкагында “Дыйканчылыкты өнүктүрүү багытында сугат жерлердин аянтын кеңейтүү боюнча” талкуу өттү.

Талкууга ЖӨБ органынын өкүлдөрү, райондук суу чарба башкармалыгынын өкүлү, айыл аймактардагы суу пайдалануучулар ассоциацияларынын өкүлдөрү, экономикалык программа иштеп чыгуу боюнча жумушчу топтун мүчөлөрү, дыйкандар, фермерлер, кооперативдердин өкүлдөрү катышты.

Айыл аймактарда сугат суу жетишсиздигинен улам сугат жерлердин аянты кыскарып кайракы жерлерге айланып баратышы,түшүмдүүлүктүн төмөндөшү дыйкандардын башкы көйгөйү катары каралды.  Айыл аймактарда сугат суу маселесин чечүү түшүмдүүлүктүн жогорулашы менен айыл экономикасынын жогорулашына шарт түзөт. Дыйкандардын айтымында сугат суу убагында керектүү көлөмдө жетпей жаткандыктан, жетишээрлик көлөмдө түшүм ала албай жатышкандыгын белгилешти. Андан сырткары катышуучулар мурунку Союз маалындагы иштелбей туруп калган скважиналардын абалын текшерип, кайрадан иштетип талааларга сугат суу жеткирүү маселесине басым жасашты.

Талкуунун жыйынтыгында насос менен суу тарттыруу боюнча долбоорлор менен иштоону, райондук суу чарба башкармалыгына кошумча суу тартуу боюнча кайрылуу жасоону сунушташты.

Талкууну, Евро биримдиктин жана Германиянын экономикалык кызматташуу жана өнүгүү федерациялык министрлигинин колдоосунда, Германия эл аралык кызматташтык коому тарабынан ишке ашырылып жаткан “Аймактарды комплекстүү өнүктүрүү” программасынын алкагында “Абад” коомдук фонду уюштурду.