1,611 Бардыгы /

ЫСЫК-КӨЛ. Кыргыз Чекара кызматынын Ысык-Көл облустук башкармалыгы түзүлгөндүгүнүн 55 жылдыгын сатанаттуу белгиледи. Анткени, бул аскердик бирикменин даңктуу жолу Пржевальск (Каракол) Чекара отрядынын түптөлүшү менен ажырагыс байланышкан.

Ошентип, 1965-жылдын 1-октябрында Пржевальск Чекара отряды СССРдин Мамлекеттик Чекарасын кайтарууга киришкен. Ал эми 6-октябрда СССР Министрлер Кеңешинин алдындагы Мамлекеттик Коопсуздук Комитетинин Чыгыш Чекара округунун аскерлеринин кол башчысы, Советтер Союзунун Баатыры, генерал-лейтенант М.К. Меркулов Пржевальск Чекара отрядына Аскер Туусун салтанаттуу түрдө тапшырган. Демек, Кыргыз Чекара кызматынын Ысык-Көл облустук башкармалыгы түзүлгөндүгү дагы дал ошондон башталат.

Пржевальск (Каракол) Чекара отрядынын чекарачылары Хан Теңири тоосунан Или дарясына чейинки Совет-Кытай, азыркы Кытай-Кыргыз чекарасын күнү-түнү кирпик ирмебестен кайтарып келатышат. Бул отряддын аскерлери-күжүрмөндөрү Кытай чалгынчыларына каршы согушка, басмачы кыймылы менен күрөшүүгө, ошондой эле Ооганстандагы бир катар олуттуу операцияларга дагы абдан активдүү катышышкан.

Аталган отряддын курамында Кыргыз Чекарасынын тарызында биринчи ирет 1982-жылы десантнттык-штурмалоо тайпасы түптөлгөн. Анын курамындагылар Ооган жергесинде өз милдеттерин өтө абийирдүүлүк менен аткарышкан. Ошол себептүү Пржевальск (Каракол) Чекара отрядынын кире беришине Ооган жергесинде курман болгон  Пржевальск (Каракол) Чекара отрядынын каармандарына эстелик дагы орнотулган.Ал эмиЖогорку Кеңештин 2014-жылдын 27-июнундагы №356-токтому менен Ысык-Көл Чекара отрядына Байсары уулу Кыдыр- Акенин ысымы ыйгарылган. Мындан тышкары бул отряддын курамындагы Чекара заставалары басмачылар менен күрөшүү маалында өзгөчө эмгек сиңирген жол көрсөткүч-тилмеч Кутан Торгоевдин жана генерал-лейтенант Жумабек Асанкуловдун ысымын сыймыктануу менен алып жүрүшөт.

Айтмакчы, 2015-жылы Каракол Чекара отряды Кыргыз Чекара кызматынын Ысык-Көл облустук башкармалыгы болуп кайрадан түзүлгөн. Ушул тапта анын аскерлери климаты абдан катаал жана ландшафты өтө татаал шартта, деңиз деңгээлинен 2500дөн 3000 метрге чейинки бийиктикте абийирдүү кызмат өтөп жатышат.

         СҮРӨТТӨРДӨ: 1), 2) 1-октябрь – Улгайган адамдардын Эл аралык күнүндө Кыргыз Өкмөтүнүн Баткен облусундагы   ыйгарым укуктуу өкүлү Алишер Абдрахманов Улуу Ата Мекендик согуштун ардагерлери – 101 жаштагы Ашир Рахматовдун, 100 жаштагы Садык Бурхановдун, Масеит Исаевдин, Анарбай Темировдун үйлөрүнө баш багып, алардын ал-акыбалын сураштырды. 3), 4), 5), 6) Кадамжай районунун Халмион Айыл Өкмөтүнө караштуу “Баяман баатыр” базарында.7), 8), 9), 10), 11) Кыргыз Чекара кызматынын Ысык-Көл облустук башкармалыгына караштуу  Пржевальск (Каракол) Чекара отрядында.

—
Aлишер Токсонбаев.