636 Бардыгы /

Өзбекстандын Самарканд облусуна караштуу Кушрабад районундагы ооруканага жакын жерде 20 жаштагы өспүрүмдүн сөөгү табылды.

Райондук ички иштер бөлүмүнүн маалыматына караганда, 30-сентябрда өспүрүм райондогу «Зармитан» кенинде мыйзамсыз алтын чайкоо менен алектенип жүргөндө таш басып калып, жаракат алган.

«Жанындагы эки шериги аны таштын алдынан чыгарып, ооруканага жеткирмек болушкан. Бирок ал жолдо каза болуп калып, коркуп кеткен шериктери сөөгүн жол жээгине таштап кетишкен», — деди мекеменин кызматкери.

Анын айтымында, бүгүнкү күндө райондук прокуратура бул окуя боюнча тергөө иштерин жүргүзүүдө.

Туугандарынын айтымында, маркумдун атасы да төрт жыл мурда мыйзамсыз алтын чайкап жүргөн маалда таштын алдында калып каза болгон.

WWW