1,230 Бардыгы /

БАТКЕН. Кыргыз Өкмөтүнүн  Баткен  облусундагы  ыйгарым  укуктуу өкүлү Алишер Абдрахманов ээлеген кызматынан бошотулуп,  ордуна Премьер-министр Садыр  Жапаровдун 2020-жылдын 16-октябрындагы №460-буйругуна ылайык Жаныбек  Жалалов  дайындалды. Кыргыз Өкмөтүнүн  Баткен облусундагы ыйгарым укуктуу Өкүлчүлүгүнүн аппарат жыйынында Премьер-министринин кеңешчиси  Арзыбек  Бурканов облус активине жаңы жетекчини тааныштырды.

Өкмөт өкүлү Арзыбек Бурканов  жаңы облус башчысын эмгек жамаатына тааныштырып жатып, мындай чечим өлкөбүздүн кадр дараметин жаңылоо жана мамлекеттик жарандык кызматка жаңы жана жаш адистерди тартуу максатында кабыл алынгандыгын ачыктады. Баткен облусунун мындан аркы өсүп-өнүгүшүндө Жаныбек Жалаловго чоң жоопкерчилик жүктөлгөндүгүн дагы катуу эскертти.

Баткен облусунун жаңы жетекчиси Жаныбек Жалалов бул дайындоону чоң жоопкерчилик катары сыпаттап, аймактын  мындан аркы ар тараптуу өсүп-өнүгүншүнө бар дараметин жумшаарын катуу убадалады.

• Баткен облусу – жөнөкөй аймак эмес! Шарты абдан катаал,

эки өлкө менен чектешип турганы менен башка облустардан дагыц айырмаланып турат. Ошондуктан, Сиздер менен чогууиш алып барып, Сиздердин жардамыңыздар менен бир топ иштерди алып барууга бекем ишенемин! –   деп кошумчалады Баткен облусунун жаңы жетекчиси Жаныбек Жалалов.

“АЙМАК”