957 Бардыгы /

ОШ. Кыргыз Өкмөтүнүн Ош облусундагы ыйгарым укуктуу Өкүлү болуп Жарасул Абдураимов дайындалды. Аймакты буга дейре Байыш Юсупов жетектеп келген эле. Жаңы жетекчи эмгек жамаатына тааныштырылды.

Жарасул Абдураимов 60 жашта, Алай районунун Гүлчө кыштагында туулган. 2 кыз, 1 уулдун атасы. Билими – жогорку. 1979-1984-жылдары Екатеринбург шаарындагы С.Киров атындагы Опцусиядагы Урал политехникалык институтун аяктап, жарым өткөргүчтүү электр вакуумдук инженерия электрондук техника, механик-инженер адистигине ээ болгон. Ара чолодо Бишкек шаарындагы № 20636-аскер бөлүгүндө танкалык взводдун командири, Кыргыз ССРнин 50 жылдыгы атындагы прибор жасоочу заводунун директору, «Дастан» Кыргызстандын бизнес жана маданий кызматташуу ассоциациясынын президенти, «Кумтор Голд» компаниясынын жергиликтүү камсыздоону өнүктүрүү боюнча директордун орун басары, 2007-жылдан ушул күнгө дейре Нанотехнология институтунун ректору кызматтарын абийирдүү аткарган.

Соңку маалда ошондой эле Азия өнүктүрүү Банкынын мүмүкүнчүлүктөрдү колдонуп, тобокелчиликтерди жоюу менен ЕврАзия экономикалык бирлигине кошулуу долбоорунун өнөр жай тармагын өнүктүрүү боюнча серепчилик вазийпасын ийгиликтүү аркалаган.

Алишер ТОКСОНБАЕВ “АЙМАК”