3 Бардыгы /

Бишкек-Ош автожолунун Базар-Коргон шаары аркылуу өткөн бөлүгүнүн боюндагы калктуу конуштардын жерлерине таандык 4 гектар жер тилкеси жеке жактардын менчигине мыйзамсыз өткөрүлгөн.

КРдин Башкы прокуратурасынын маалымат кызматы билдиргендей, Базар-Коргон районунун прокуратурасы тарабынан жер мыйзамдарынын аткарылышы боюнча жүргүзүлгөн текшерүүдө, Бишкек-Ош автожолунун Базар-Коргон шаары аркылуу өткөн бөлүгүнүн боюндагы калктуу конуштардын жерлерине таандык 4 гектар жер тилкеси 2013-жылы Базар-Коргон айыл өкмөтүнүн кызмат адамдары тарабынан жеке жактардын менчигине мыйзамсыз өткөрүлгөнү аныкталды.

Көрүлгөн прокурордук чаралардын натыйжасында 187 млн. 876 миң сомго бааланган жер тилкеси толугу менен муниципалдык менчикке кайтарылды.