672 Бардыгы /

Базар-Коргон районунда Кытайдан алган карызды төлөө үчүн элдик фонд түзүлдү.Райондогу жергиликтүү тургундар Кытайдан алынган карызды төлөө максатында элдик фонд ачып, каражат чогултушууда. Бул тууралуу биз фонддун жетекчиси менен байланыштык.

–Саламатсызбы? Курсантбек мырза, алгач эле өзүңүздү тааныштыра кетсеңиз?

-Саламатчылык, куш келипсиздер. Мен 1991-жылы Базар-Коргон районунун Могол айыл аймагына караштуу Правда айылында туулгам. Азыркы учурда ушул эле айылдагы Жуманалы атындагы №15 орто мектебинде математика мугалим болуп 5 жылдан бери иштеп келе жатам.

–Айтсаңыз, элдик фонд уюштуруп, Кытайдан алган карызды төлөө идеясы кай жактан келди жана өз ишин качан баштады?

-Жаштардын эртеңки келечеги үчүн тынчсызданып, ушул жылдын 2-октябрынан тарта айыл тургундары банктан эсеп ачып, Кытайдан алган карызды төлөө максатында каражат чогултууну колго алдык.

-Элдик фондго элдин көз карашы кандай болууда?

– Биздин бул кадамды кубаттагандар да, тескерисинче сындагандар да бар. Көбүнчө чет жерде иштеген мигранттар, өзүмдүн кесиптештерим колдоо көрсөтүшүүдө

-Иштин жүрүшүн кыскача айта кетсеңиз?

-Элдин ишенимин актоо өтө жоопкерчиликтүү. Ар бир түшкөн каражат боюнча маалыматтар берилүүдө. Каражат чогулганда жеке өзүбүз элдин салымын мамлекеттик тиешелүү жетекчилерге тапшыралы деген пландарыбыз бар. Ушул тапта банктык эсептер иштеп жатат.

Байканбек САДЫКОВ, “Аймак”