1,488 Бардыгы /

   КЕЧЭЭ. ЖАЛАЛ-АБАД.  Шаардык кеңештин төрагасы Адилбек Жоробаев, мэрдин милдетин

аткаруучу Нуртилек Орозбаев, жергиликтүү депутаттар жана мекеме-ишканалардын жетекчилери катышты. Күн тартибинде жалпы 7 маселе каралды.

Алгач Жалал-Абад шаарынын 2020-жылга карата бюджетине өзгөртүү киргизилди. Быйылкы жылы орун алган пандемиядан улам бюджетке толуктоолор, өзгөртүүлөр кошулган. Шаар казынасынан коротулуп жаткан акчаларга байланыштуу депутаттар бир катар маселелерге көңүл буруп суроолорун узатышты.  Мындан сырткары шаардагы студенттердин поликлиникасынын медициналык жабдуулары жалал-абад облустук үй-бүлөлүк дарыгерлер борборуна өткөрүлүп берилди. Жергиликтүү депутат оятилла азизовду мандатынан ажыратуу маселеси колдоо таап, шаардык кеңештин туруктуу комиссияларын бекиткен токтомго өзгөртүү киргизилди. Нагима айтматова жана ленин көчөсүндөгү жер асты өтмөгүндөгү муниципалдык соода түйүндөрүнө өткөн сынактын жыйынтыгы чоң талкуу жаратты. Депутаттар сынактын өтүүсүнө кээ бир жарандар тарабынан нааразычылыктар бар экенин айтышып, буга жооптуу болгон муниципалдык менчик башкармалыгына сынак боюнча суроолорун беришти. Ошондой эле мындан аркы сынактарда ачык-айкындуулук болушун камсыздоо маселесин көтөрүштү.

Сессиянын аягында ар түрдүү маселелер каралып, анда курулуш, билим берүү, медицина тармагына тиешелүү көйгөйлөр көтөрүлдү.

«АЙМАК»