822 Бардыгы /

Жалал-Абад шаарындагы коомдук тамактануучу жайлардын иштөөсүнө чектөө киргизилди. Алар белгисиз мөөнөткө чейин кечки саат 20:00дөн кийин иштебейт. Бирок кардардын өзү менен алып кетүүсүнө (с собой) уруксат берилет. Бул чечим бүгүн шаардык штабдын жыйынында оору күчөп жатканына байланыштуу кабыл алынды.

Жалал-Абад шаарындагы унаа базары белгисиз мөөнөткө чейин убактылуу жабылды. Коронавирус көбөйүп жаткандыктан шаардык штаб массалык чогулууну болтурбоо максатында бул чечимге келди.

Тойканалар, интернет клубдар, бильярд залдары белгисиз убакытка чейин ишмердүүлүгү токтотулду.

Базарларда жарандардын беткап тагынуусу көзөмөлдөнөт. Менчигинин түрүнө карабай бардык базарларда тийиштүү адистер текшерүүгө алат.

“АЙМАК”