579 Бардыгы /

ЖАЛАЛ-АБАД. Жалал-Абаддын жаңы ыйгарым укуктуу өкүлү Абсаттар Сыргабаев онлайн менен коллегия өткөрдү. Жыйынга жалпысынан райондордун акимдери, шаарлардын мэри жана убактылуу мэрдин аткаруучулары катышышты.

 Облустук коллегияда жылдык пландар аткарылгандыгын жана иштер канчалык бүткөндүгү айтылды. Жалал-Абад облусунун азыркы кырдаалга байланыштуу бир катар көйгөйлөрү айтылып, аларды жоюу боюнча иш тапшырмалары берилди. Ошондой эле сын пикирлер да айтылды. Алсак, Базар-Коргон районунун акими А. Осмонов жылдык пландын толугу менен аткарылбаганынын башкы себеби катары жылдык пландын көп коюлуп калгандыгын айтты.  Ноокен районунун акимине карата COVID-19 илдети жалпы 43 мугалимге жуккандыгын тактоо жана түшүндүрүү иштерин көбөйтүү керектиги айтылды.

Эске сала кетсек, Жалал-Абад шаарына бир катар чектөөлөр киргизилип, тойканалар, интернет клубдар, бильярд залдары, унаа базары  белгисиз убакытка чейин ишмердүүлүгү  токтотуп, базардагы адамдардын бет кап менен жүрүүлөрү көзөмөлгө алынганы менен бүгүнкү жыйынга өкүл баш болуп бир катар райондордун акимдери беткапсыз катышышты.

Байканбек САДЫКОВ “АЙМАК”