1,455 Бардыгы /

МОСКВА. Кыргыз Республикасынын жарандарынын кызыкчылыгы үчүн Кыргыз Республикасынын жалпы жарандык паспортун алуу, же алмаштыруу боюнча Кыргыз Республикасынын Орусия Федерациясындагы элчилигине келип түшкөн кайрылуулардын кескин көбөйгөндүгүнө байланыштуу аталган элчиликтин консулдук бөлүмүндө жарандардын паспорт маселелери боюнча иш убактысы узартылды.

Ошентип иш күндөрү саат 08.30 дан 20.30 га чейин биринчи кезекте электрондук билеттин жардамы менен (талон алуу), алдын-ала жазылбастан, ишемби күндөрү саат 10.00дөн 14.00гө чейин Орусиянын алыскы аймактарынан келген жарандарыбызды алдын-ала суроо-талаптары боюнча кабыл алынат.Аймактардан келишкен жарандардын саны арбын экендигин эске алуу менен Консулдук бөлүмдүн 4992385069@mail.ru электрондук почта дарегине жазылуу тизмесине киргизүү үчүн болгону кайрылуу гана жөнөтүү абзел!

Айтмакчы, Кыргыз Республикасынын Орусия Федерациясындагы Элчилиги үстүбүздөгү жылдын октябрь айында 1342 жаранды паспорт алуу жана алмаштыруу үчүн кабыл алды. Өткөн жылдын ушул мезгилине салыштырмалуу 2019-жылдын октябрь айында Кыргыз Элчилиги Кыргыз Республикасынын 320 жаранын кабыл алгандыгын маалымдайт. Ошентип, паспорт маселелери боюнча жарандарды кабыл алуунун көбөйүшү бул ирет үч эсеге өсүп олтурат.

Алишер ТОКСОНБАЕВ, өз кабарчы