777 Бардыгы /

БАТКЕН. “Кызыл-Кыя-Автожол” чек ара көзөмөл-өткөрүү  бекетинен Кыргыз Чекарачылары аткезчилик жолу менен ташылып бараткан жүктү кармашты.

Кыргыз чек арачылары Бажы кызматынын өкүлдөрү менен Өзбекстан тараптан келген Volvo жүк ташыган автоунаасындагы жүктөрдү дыкаат текшеришкенде, күндөлүк керектелүүчү товарларды – сүт азыктарын, ошондой эле капка салынган картөшкөлөрдү табышты. Бул жүктөргө тиешелүү документтери таптакыр болгон эмес. Мындан тышкары  жүк “Кызыл-Кыя-Автожол” Чекара көзөмөл-өткөрүү  бекетинен өтүп баратканда, автоунаанын айдоочусу машина бош экендигин айтып актанган.

Кыргыз чек арачылары тийиштүү актыларды толтурушкандан кийин, айдоочуну жүгү менен Мамлекеттик Бажы кызматынын аймактык кызматкерлерине мыйзам чегинде чара көрүү үчүн өткөрүп беришти.

Алишер ТОКСОНБАЕВ, өз кабарчы