828 Бардыгы /

Жалал-Абад шаарында тарбиячы коронавирус илдетинен каза болгонуна байланыштуу билим берүү мекемелерин ачуу 20-ноябрга жылдырылды. Бул тууралуу аймактык кабарчыга штабдын төрагасы Руслан Алтымышов билдирди.

«Ушул тапта калаада эпидемиологиялык кырдаал орто оор деп бааланууда. Күндүзгү стационарга 3400дөн ашык адам кайрылып, медициналык жардам алууда. Тилекке каршы шаарда ушул күнгө чейин 18 жашка чейинки 53 баладан коронавирус табылган. Ушул тапта 10 окуучу дарыланып жатат. Август айында шаарда мектеп окуучусу илдеттен каза болду. Бирок ал Базар-Коргон районунун тургуну экен. Эки апта мурун калаадагы №8 бала бакчада эмгектенген тарбиячы да илдеттен каза болду. Ошол себептен шаардык штаб билим берүү мекемелеринин ишин жандантууну 20-ноябрга жылдырдык. Эгерде кырдаал жакшырса, салттуу окутууга уруксат беребиз. Ага чейин аралыктан окушат», – деди Р.Алтымышов.

Калаада муниципалдык 20 мектеп, 22 бала бакча бар.

Шаарда ушул тапта 21 бейтап коронавирус, 38 бейтап өпкөнүн кагынуусунан дарыланып жатат.

“АЙМАК”