1,458 Бардыгы /

БАТКЕН. Тарых жана ата-бабаларды эскерүү иш–чарасына Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалалов баштаган жергиликтүү бийлик өкүлдөрү, мекеме–ишканалардын жетекчилери катышышты.

Адегенде Кыргыз мамлекеттүүлүгүн түптөөгө олуттуу салым кошушкан көрүнүктүү мамлекеттик ишмерлер Исхак Раззаков, Абдыкадыр Орозбеков, Мурат Салихов, Абсамат Масалиевдердин эстелигине гүлчамбарлар коюлду.

• Ата-бабаларыбыз, биздин бүгүнкү бакубат жашообуз үчүн

опол тоодой эмгек кылышкан. Ошондой эле элибиздин эркиндиги үчүн кылымдар бою тынымсыз күрөшүшкөн. Биз эми аларды ар дайым эмгегинен  гана эскеребиз.  Келечек муунга даңктайбыз! Аталарды ар дайым эстеп туруу, алар баскан улуу жолду улоо, ыйык парзыбыз! – деп баса белгиледи Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалалов.

         Аталган иш-чаранын соңунда ата-бабалардын элесине арналып куран окулуп, бата дагы кылынды. 

Алишер ТОКСОНБАЕВ “АЙМАК”