1,002 Бардыгы /

Жалал-Абад облусунун башчысы Абсаттар Сыргабаев Чаткал жана Ала-Бука райондорундагы кен иштеткен компаниялардын өкүлдөрү жана жергиликтүү тургундар менен жолугушту.

Ал Чаткал районундагы “Вертекс Голд Компани”, “Кичи-Чаарат” жана Ала-Бука районундагы “КАЗ Минералз Бозымчак” копанияларында болуп, жолугушуулардын алкагында жумушчулар жана жергиликтүү тургундардын суроо талаптарын укту.

Анда акыркы жаралган маселелердин алкагында сүйлөшүүлөр жүргүзүлүп, жумуш ыргагы үзгүлтүккө учураган “Вертекс Голд” компаниясы ишин баштап, калгандары да жакынкы арада жандантылары айтылды.

Мындагылар компания жергиликтүлөрдү иш менен камсыздоого басым жасап, жарандардын ден соолугуна кам көрүүдө экологиялык коопсуздук чараларын жолго коюу керектигин белгилешти. Ар тараптуу сүйлөшүүлөрдүн алкагында атайын комиссия түзүлүп, элге ачык маалымат берилмей болду.

Облус жетекчиси азыркы учурда  мамлекеттин киреше бөлүгүн камсыздоодо инвесторлор ишин улантышы керектигин айтты. Аны менен бирге жаралган маселелер сүйлөшүү жолу менен гана чечилерин, аталган жайларда   жергиликтүү жашоочуларды жумуш менен камсыздап, аймактын социалдык-экономикалык көйгөйлөрүн чечүүдөгү салымы чоң экендигин белгиледи.Эскерте кетсек, Жалал-Абад облусунун аймагында жалпы 6 ири кен иштеткен компания бар. Аларда 3 миң 400гө жакын жумуш орундары камсыздалган.

“АЙМАК”