717 Бардыгы /

Жалал-Абад областтар аралык ден-соолукту калыбына келтирүү “Бакыт” борборундагы 100 орундуу кошумча жугуштуу оорулар бөлүмү убактылуу жабылды.

Мында иштеген 25 медицина кызматкери обсервацияга жиберилип, кайрылган бейтаптар мындан ары областтык клиникалык ооруканасынын жугуштуу оорулар бөлүмүндө дарыланат.

Соңку аптада коронавирус илдетинин жарандар арасында жугуу көрсөткүчү басаңдаган. Ага ылайык аталган жайдын иштөө муктаждыгы убактылуу жоюлуп, даярдык чаралары көрүлгөн шартта жабылды.

Белгилей кетсек, областтык клиникалык оорукананын жугуштуу оорулар бөлүмү жалпы 95 орунга ылайыкташкан. Азыркы учурда анда 43 орун бош. Акыркы суткада облуста 35 жаңы учур катталды.

Байканбек САДЫКОВ “АЙМАК”