3,450 Бардыгы /

«Кeremet holding» компаниясы жана «Намыс Ысык-Көл» коомдук фонду тарабынан уюштурулган «Жылдын мыкты окуучу 2020» сынагында биринчи орунду Жалал-Абад шаарындагы №4 мектеп гимназиясындагы 11-класстын окуучусу Мамытбек уулу Марат багындырды. Бул боюнча жеңүүчү өзү кабарлады.

Белгилей кетсек 18-июндан 25-августка чейин сынак уланган, ал эми жеңүүчүлөргө 7-ноябрь күнү сыйлыктары тапшырылган. Өлкө боюнча сынака 5-класстан 11-класска чейинки окуучулар катышты.  Катышкандардын жалпы саны 500дөн ашкан, ана карабай баарысы мыкты, күчтүү окуучулар катышып сынактын жеңүүчүлөрүн тандоо кыйынга тургандыгын билдирди, уюштуруучулар тобунун мүчөсү Советова Айзирек.

“Менде бул сынак боюнча алгач сынактын биринчи турун жеңип алган Алимбеков Байэлден уктум жана өз өзүмдө суроо жарала берди, неге ал алса болот, мен болбойт деген суроо ойлорумдан кетпей койду. Акыры мен 2-тур болуп жатканын угуп калып өзүмдүн жетишкен ийгиликтерим туурасындагы документтеримди тапшырып сынакка катыштым,”-дейт Мамытбек уулу Марат.

Алгач Республикалык “Жылдын мыкты окуучусу 2020” сынагында биринчи орунду багындырганын Мараттын  атасына кабарлаганын, атасы айтканда өзүнүн ишенгиси келбегенин айтат. Бирок уюштуруучулар кабарлагандан кийин өтө кубанганын, кубанычын үй-бүлөсү менен тең бөлүшкөндүгүнүн билдирди. Учурда Марат үй-бүлөөдө 5 бир туугандын экинчиси.

“Сынактын жеңүүсү катары борбор калаага барганда, алгач сыйлык тапшыруу аземи Салымбеков университетинде болуп өттү. Ал жерде сыйлык тапшырууга манадият жана маалымат туризм министирлигинин жетекчиси Нуржигит Кадырбеков жана коомдук ишмер Аскар Салымбеков келишти. Сыйлык аземи башталганга чейин жалпы катышуучулар менен биргеликте Салымбеков медициналык университети барып таанышуу болду андан соң, тарых жана ата-бабаларды эскерүү күнүнө караша Ата Бейит улуттук тарыхый-момериалдык комплекстине барып зыярат уюштурду,”-деди Марат.

Белгилей кетсек жеңүүчүнү Облустук Билим Берүү бөлүмү жана Шаардык Билим Берүү бөлүмүнөн эч кандай колдоо болбогонун жана куттуктоо да айтылбаганын айтат. Мамытбек уулу Марат бул сынакка катышкага чейин Кыргыз Республикасынын Билим Берүү жана Илим министирлиги уюштурган көркөм окуу боюнча экинчи орунду багындырган жана Жалал-Абад шаардык мэриясы тарабынан уюштурулган көркөм окуу сынагындада 2-орунга жетишкен. Марат маек соңунда ата-энесин жакшы көрөрүн, кадырлап барктоосун, алар менен сыймыктанаарын айтты.

Байканбек САДЫКОВ “АЙМАК”