657 Бардыгы /

Ала-Бука райондук ички иштер бөлүмү тарабынан кылмыштуулуктун, бузуулардын алдын алуу жана коомдук коопсуздукту камсыздоо багытында уюштурулган 3 күндүк рейд жыйынтыкталды. Анын алкагында айдоочулардын жолдо жүрүү эрежелерин көзөмөлдөө, жарандар тарабынан коомдук жайларда санитардык нормалардын сакталуусун жөнгө салу жана коронавируска каршы түшүндүрүү иштери жүргүзүлдү. Иш-чара 2 этаптан түзүлүп, аба-ырайынын катал шартына карабастан ийгиликтүү ишке ашырылды. Бул тууралуу Жалал-Абад ОИИБдин Басма сөз кызматы билдирди.

Биринчи этабында Ала-Бука районунун Өрүктү, Орто-Токой, Достук, Сары-Талаа айылдарында жана Чолок-Тума участкасында РИИБдин жол кыймылынын коопсуздугун камсыздоо бөлүмүнүн кызматкерлери менен биргеликте посттор уюштурулуп, ар бир турак үйлөрдө түшүндүрүү иштери жүргүзүлдү. Үй-бүлөлүк зордук-зомбулуктун, мүлк жана мал уурулуктун алдыналуу багытында маалыматтар жеткирилип, коронавирустан сактануу керектиги эскертилди.

Экинчи этабында түнкү мобилдик топтор түзүлүп, Ала-Бука, Өрүктү, Ак-Там айыл аймактарында, район борборунда жана Жаңы-Шаар, Алма-Бак, Сары-Талаа участкаларында рейдер жүргүзүлдү.

«Тартип» операциясы учурунда жалпы 2450 адамды камтыган 815 кожолук текшерүүгө алынып, райондук ички иштер бөлүмүндө даярдалган атайын эскертме баракчалары таратылды.

Аталган иш-чаранын натыйжасында 1 жаран атасынан калган сайсыз ок атуучу куралын өз ыктыяры менен тапшырган. Коомдук жайда спирт ичимдигин ичип алып, масс абалда жүргөндүгү үчүн 1 адамга протокол түзүлгөн. Алимент төлөөдөн баш тарткандыгы үчүн издөөгө алынган 1 жаран кармалып, тиешелүү кызматтарга өткөрүлүп берилген.Мындан сырткары ишенип берилген мүлктү ыйгарып алууга жана алдамчылыкка шектелип 2 жаран кармалып, тергөө кызматына өткөрүлүп берилген.

“АЙМАК”