603 Бардыгы /

Алматыда жаныбарлардын укугун коргоочулардын митинги өттү. Уюштуруучулар Алматы шаардык акимчилигине үчүнчү жолу кайрылгандан кийин гана уруксат алышканын билдиришти.

Митингге катышкандар жаныбарларга катаал мамиле жасагандарга жазаны күчөтүүнү жана жаныбарлар менен иштөөдө жоопкерчиликти арттырууну көздөгөн мыйзамдарды кабыл алууну талап кылышты.

Махатма Ганди атындагы паркта өткөн митингге 50дөй киши катышты. Арасында балдарын, иттерин ала келгендер болду.

Чогулгандар “Аларга сенден башка эч ким көмөктөшпөйт!”, “Алардын күнөөсү не?”, “Мени кан ичерлерден куткар!”, “Жаныбарлар оюнчук эмес” деген ураандар жазылган плакаттарды көтөрүп турушту. 21-ноябрда түштөн кийин башталган митинг бир саатка созулду.

Иш-чаранын уютуруучусу Наталья Шамсутдинованын айтымында, алар бюджеттен көп каражат талап кылган ит атуу кызматтынын ишин колдошпойт. Жаныбарлардын көбөйүшү көзөмөлгө алынбай жатканына тынчсызданышууда.

– Жаныбарларга стерилизация жасоо керек жана аларды мамлекеттин уруксаты менен гана асыроо зарыл. Жаныбарларга катаал мамиле кылгандарга жазаны күчөтүү керек. Иттерди согуштурууга тыюу салып, өлтүргөндөр үчүн кылмыш жоокерчилигин киргизүү керек. Жаза жок болгондуктан жаныбарларды өлтүрүп жатышат, – деди ал.

Казакстанда быйыл жаныбарларга катаал мамиле жасаган учурлар көп катталды. Тюленди сабап, итти муздаткычка салып думуктуруп өлтүргөн фактылар катталган. Бул окуялардан кийин казакстандыктар жаныбарларга мыкачылык менен мамиле жасагандарга жазаны күчөтүүнү талап кылып, онлайн-петиция жарыялашкан.

WWW