771 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу Өкүлү Жаныбек Жалалов, Кыргыз Республикасынын Айыл чарба, тамак–аш, өнөр жай жана мелиорация министри Тилек Токтогазиев Баткен шаарындагы Баткен өсүмдүктөр карантини Башкармалыгынын имаратына капсула салышты.

Айтмакчы, имараттын жалпы сметалык наркы 10 миллион  650миң сомду чапчыды.  Курулуш   2021-жылдын апрель айына бүткөрүү пландалып жатат.  Имаратта заманбап лабораториялык кааналар, окуу кааналары, иш бөлмөлөрү жана башка тийиштүү болгон бардык шарттар каралган. Кыргызстандын  Евразия Экономикалык Биримдигинде мүчө болуусу менен, санитардык, ветеринардык жана фитосанитардык чараларды жөнгө салууга  өзгөчө маани бериле баштады. Мындай     аракеттер өсүмдүктөрдүн  карантиндик чараларын коргоого дагы сонун ыңгай жаратууда.

Баткен өсүмдүктөр карантини Башкармалыгынын имаратынын курулушу аймактагы кооптуу жана зыяндуу, продукциялардын  таркалышын алдын алууда  коопсуз жана натыйжалуу ыкмаларын колдонуу менен иш алып барууга өбөлгө гана жаратат. Мындай аракет биринчи кезекте айыл чарба продукцияларын өндүрүүчүлөрдүн жана ишкерлердин ишин илгерилетүү максатын гана көздөйт. Анткени, буга дейре Баткенде лабораториянын жоктугунан экспорттоочу продукциянын сапатына күмөн жаралган учурда Ош шаарындагы лабороториядан текшерүүгө мажбур болушкан.

WWW