Аймак

ТАЖИКСТАНДА ДАЙЫНЫ ЧЫКПАЙ ЖАТКАН ОППОЗИЦИОНЕР МАХМУРОД ОДИНАЕВ КАРМАЛДЫ

ТАЖИКСТАНДА ДАЙЫНЫ ЧЫКПАЙ ЖАТКАН ОППОЗИЦИОНЕР МАХМУРОД ОДИНАЕВ КАРМАЛДЫ

 627 Бардыгы /

Тажикстан Башкы прокуратурасы Социал-демократиялык партиясынын башчысынын орун басары Махмурод Одинаев 5-декабрда бейбаштыкка айыпталып кармалганын билдирди.

«.. Одинаев бир нече жолу прокуратура кызматкерлеринин чакыруусуна баш ийген эмес, сот акыйкаттыгынан качкан. Ошондуктан аны күч менен алып келүү чечими кабыл алынган жана бул ишти аткаруу Гиссар облусунун ички иштер бөлүмүнө тапшырылган», – деп айтылат билдирүүдө.

5-декабрда Социал-демократиялык партиясынын башчысы Рахматилло Зойиров орун басарын милиция жана коопсуздук кызматкерлеринин куралган 15тей киши кармап кеткенин маалымдаган.

Прокуратуранын билдирүүсүндө 2020-жылы 29-октябрда Махмурод Одинаев мурдагы аялы Мехрнигор Ризоева жана уулу Хабибулло Одинаев менен Гиссар шаардык аскер комиссариатына келип, уулу негизсиз түрдө аскерге чакырылганын билдирип, коомдук тартипти бузганы, бийлик өкүлдөрүн коркутуп-үркүткөнү айтылат.

Бул факты боюнча 20-ноябрда Махмурод Одинаеваге карата «Бейбаштык» беренеси боюнча кылмыш иши козголгон.

Тажикстан ИИМи Махмурод Одинаевди «чагымчыл, дымактуу авантюрист жана өлкөдөгү тынчтыкты бузууну каалаган киши» деп эсептейт.

Ага чейин министрлик саясатчынын уулуна каршы «Бейбаштык» беренеси боюнча кылмыш ишин козгогон. Мекеменин маалыматына караганда, Ризоев мас абалында шаардагы ресторандардын биринин жанында 18 жаштагы кызды сабаган.

Быйыл октярда Одинаев белгисиз адамдар уулуна кол салганын айтып чыккан. «Бийлик мындай жол менен мени жана мага окшогон бийликти сындап жүргөндөрдү коркуткусу, саясий ишмердүүлүгүбүздү токтоткусу келип жатат», – деген ал.

Махмурод Одинаев 16-ноябрда азык-түлүктүн кымбатташына каршы митинг өткөрүүгө уруксат берүү тууралуу өтүнүч менен Душанбе шаарынын мэриясына кайрылгандан бери дайыны чыкпай жаткан.

Күн мурун ал «эркиндикте экенин, бирок кармап кетишет деп кооптонуп жатканын » билдирген.

Махмурод Одинаев көп жылдар бою соттолгондордун укугун коргоо менен алектенген. Акыркы мезгилде Социал-демократиялык партиясынын башчысынын орун басары болгон. Саясачы Тажикстандын укук коргоо органдарынын ишин кескин сынга алып келген.

WWW

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17