771 Бардыгы /

«Озодлик» радиосу расмий документтерге таянуу менен Самарканд облусунда жашы жете элек эки баласы бар майып аялга убада кылынган батир Олий Мажилистин сенатору Гавхар Алимованын мурдагы айдоочусуна катталып калганын жазды.

Учурда ал батирде жашап жаткан аялдан турак жайды бошотууну талап кылышууда.

– Үй-бүлөлүк жаңжалга байланыштуу күйөөм мени кууп чыгып, эки балам менен көчөдө калгам. Ал биз насыяга алган батири акимчиликке кайтарып берген, өзү белгисиз аял менен башка облуска кетип калган. Төрт ай эки балам менен көчөдө калдым. Скамейкаларга жатып, көп кабаттуу үйлөрдүн жер төлөөлөрүндө түнөп жүрдүк. 2019-жылы май айында облус башчысы Эркинжон Турдимовго кайрылдым. Аким күйөөбүз экөөбүз насыяга алган батирдин ачкычын берген. Андан соң ал чиновниктерге бул батирди насыя аркылуу мага каттатууну тапшырган. Ушул тапта аткаминерлер башка үйгө көчүп кетишим керек экенин, менин батирим бөлөк адамдын наамына катталганын айтышууда. Карантин учурунда мага эскертпей, батиримди башка бирөөгө берүүгө акылары жок болчу, – деди Дилором Ризакулова

Документтерге ылайык, Дилором Ризакулова жашаган үй учурда Бекзод Аширов аттуу кишиге катталган. Самарканд облустук администрациясынын кызматкерлери ал киши убагында облустук Аядар комитетинин башчысы Гавхар Алимованын айдоочусу болуп иштеп кеткенин ырасташты. Алимова учурда Каттагурган районунун башчысы, сенатор.

Гавхар Алимова бир эле учурда Сенаттын регламент жана этика боюнча комиссиясынын төрагасынын орун басары кызматын аркалайт.

WWW