675 Бардыгы /

 Жеке ишкерге от атып качып кеткен шектүүлөр кармалбаганына, укук коргоо орган жана сот бийлигинен жеке ишкер И.Хамракуловдун аялы жана энеси нааразы.

3-ноябрь күнү түнкү саат 23-00дөр чамасында, 5 жараан жеке ишкер Искендер Хамракуловго келип 3 жолу ок атып, өмүрүнө кол салышкан. Атылган  2  ок мынтыктын огу жана 1 таппанча огу экени аныкталган. Ошол мезгилде И.Хамракуловго бир чачма ок тийип, оорууканага оор абалда жеткирилген. Жубайынын айтымында кан 2 күн боюу токтобой, аны Ош шаарына алып бааруга аргасыз болгон. Ал жерде Борбордон 10 000 АКШ долларга прафессор чакыртып бутуна 4 жолу операция жасашкан. Жыйынтыгында бутунда дагы чачыранды 85 ок бар экени аныкталып, аны алуу мүмкүн эмес экендигин айтышкан. Эгер ала турчу болсо операцияны жүрөгү көтөрө албашын жана буту бүт эле майдаланып кетээрин айтышкан. Бир гана жол октун өзү чыгып кетүүсүн күтүү керек болгонун докторлор  айтышкан.  

Жубайынын айтымында “Менин жолдошум Байэл базанынын жанындагы кафелердин бирин башкарчу. Биздин кафенин жанында Ташиевдин штабы болгон. Жолдошума 5 жаран келип коркутуп,  ”Ташиевдин штабын өрттөп жибересин же сени өлтүрөбүз”,- деп коркушкан болот. Жолдошум алардын айтканын кылбайт жана андан 10 күн өткөн соң, ү  йгө келип жолдошумду атып кетишти. Жолдошум аларды тааныйт экен жана эмнеге мени өлтүрүп жатасыңар десе, сен көп ишти билип калгансын деп опузалашыптыр.

Ок атып кеткен күнү үйдө баламды уктатып жаткам жана ок үнүн укканымда биринчи трансформатор атты деп ойлогом, экинчи жолу ок атылганда сыртка чыксам. Чоң балам атамды атып кетти деп кыйкырып ыйлап жатыптыр. Бул окуяны көргөн балдарым тамак ичпей дагы да болсо срессте. Азыр балдарымды да сыртка, спорт залдарына да жибербей жатам, 5 киши дагы балдарыма кол салабы? деп корком.

Жолдошум жаракат алганча Ташиевге мени жана үй-бүлөмдүн коопсуздугун карап бериңиз деп арыз жазган, бирок жоопсуз калган”,-деди Исманова Дияна.

“Мен баламдын иши боюнча баардык жака кайрылдым жана эч кандай жыйынтык көрбөдүм, күмөн катары жөн гана суракка алып кайра койберип жиберишти. Ал кимдер экенин балам таанырын жана аларды атап берерин айтсада кош көңүл болушту. Бизде баламы жана келинимди коркутушкандыгы боюнча 154 диктафонго жазылган үндөр, сүрөттөр бар, ана ошол күнү ок атуу учурунда күбө катары 10го жакын коңшуларым күбөлүк берүүдө, ошончо далил болсода иш жүргөн жок”,-дейт жабырлануучунун энеси Умурзакова Манзура.

“АЙМАК”