765 Бардыгы /

БАТКЕН. Баткен облусунун Баткен районуна караштуу Чоң-Талаа айылындагы мектептен чыккан өрт толук бойдон өчүрүлдү. Таажы илдетине байланыштуу учурда бул мектепте 1-, 5-, 9-, 11-класстын окуучулары билим алып жатышкан. Бирок, өрт чыккан маалда алар мектепке келе элек болушчу.

Маалыматка таянсак, өрт 7-декабрда эртең мененки саат 08:06лар чамасында башталган. Жалын толугу менен 11:54тө гана өчүрүлдү. Кыргыз Өкмөтүнүн Баткен облусундагы ыйгарым укуктуу Өкүлүнүн басм сөз катчысы катчысы Чолпон Бердикулованын айтымында, кырсык катталган убакта мектепте окуучулар таптакыр болгон эмес.

– 180 орунга ылайыкташкан бул агартуу мекемесинде 313 окуучу билим алат. Тааэы илдетине байланыштуу учурда 1-, 5-, 9-, 1-класстын окуучулары гана билим алып жатышкан. Бирок, өрт тутанган маалда балдар мектепке келише элек болушчу, — деп кошумчалады Кыргыз Өкмөтүнүн Баткен облусундагы ыйгарым укуктуу Өкүлүнүн басма сөз катчысы катчысы Чолпон Бердикулова.

Ушул тапта Өзгөчө Кырдаалдар министрлигинин Баткен райондук бөлүмүнүн кызматкерлери кырсыктын келип чыккан себептерин такташтырып жатышат.

Расмий маалыматка таянсак, Баткен облусунун Баткен районуна караштуу Чоң-Талаа айылындагы мектептин имараты бир гана кабаттуу. Ал 1980-жылы курулган төрт өзүнчө имараттан турат. Жалпысынан 313 орундуу. Ущул тапта 126 окуучу билим алат. 2019-жылы төртүнчү окуу имараты курулуш ченемдерине жооп бербегендиктен, кооптуу абалда деп табылган. Ал эми өрт чыккан төртүнчү окуу имараты төрт класстан турат. Бүгүнкү күндө 1-2-класстын окуучуларына гана сабак өтүлөт. Имараттын узундугу 25 кадам, ал эми туурасы 9 кадам. Пайдубалы жана дубалы бетондолгон. Чатыры жыгач стропила рейка менен куралып, темир тыныке менен жабылган. Полу, шыбы эшик жана терезелери жыгачтан. Өрт чулгагаган аянт 225 чарчы метр. Имараттын чатыры, пол, шыптары, эшик-терезелери жана ичиндеги парта, отургучтар толук бойдон өрттөнгөн. Бул жерде класстарды жылытуу үчүн көмүр жагуучу меш (буржуйка) дагы орнотулган. Анткени, меш «кара алтын» менен гана менен жылытылат. 2020-жылдын 11-ноябрынан тартып от жагууга уруксат берилген. Бактыга жараша, өрттөн жабыркагандар жок.

Алишер ТОКСОНБАЕВ “АЙМАК”