Аймак

“КЫРГЫЗ ЭЛИМ” СУРАМЖЫЛООСУ: КАТЫШУУЧУЛАРДЫН 62% АШУУНУ САДЫР ЖАПАРОВДУ КОЛДОШОТ

“КЫРГЫЗ ЭЛИМ” СУРАМЖЫЛООСУ:  КАТЫШУУЧУЛАРДЫН 62% АШУУНУ САДЫР ЖАПАРОВДУ КОЛДОШОТ

 582 Бардыгы /

Кыргызстандагы президенттик шайлоого бир ай калды. Өлкө башчылыкка ат салышууга 20 адам катталды.

Россиядагы кыргыз диаспорасынын “Кыргыз Элим”  көз карандысыз порталы окурмандарынын арасында 30-ноябрдан 7-декабрга чейин шайлоо кийинки жекшембиде өтсө, кайсы талапкерге добуш берерин билүү үчүн сурамжылоо жүргүздү.

Садыр Жапаров добуш берүүнүн талашсыз лидери болуп калды – сурамжылоого катышкандардын 62% ашууну аны колдошту.

“Мен добуш берүүгө барбайм” деген жооп экинчи орунда – аны сурамжылоого катышкандардын 14,9% тандаган. Ал эми 5% “башка талапкерге” добуш беребиз дешкен, 4,5% баарына каршы добуш беришкен.

Президенттикке талапкерлердин ичинен Адахан Мадумаров (3%), Абдил Сегизбаев (2,7%) жана Клара Сооронкулова (2,4%) болду. Калган талапкерлер 1,5% дан аз добуш алышты.

Басылма сурамжылоого 638 адам катышкандыгын билдирди.

“Кыргыз Элим” порталы 2020-жылы ишин баштаган. Ал Россияда жашаган кыргыз жарандарына өз мекениндеги окуялар жөнүндө маалымат берүүгө багытталган. Макалалар, маалыматтар кыргыз жана орус тилдеринде жарыяланат.

“АЙМАК”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17