708 Бардыгы /

      Аны облустук үй-бүлөлүк дарыгерлер борбору уюштуруп, семинарга облустун район-шаарларынан келген медицина кызматкерлери катышышты.

Күн тартибине Жалал-Абад, Таш-Көмүр, Кара-Көл жана Кочкор-Ата шаарлары менен Сузак районунда балдарды эмдөө абалы  маселеси коюлду. 2020-жылдын 9 айынын жыйынтыгында эмдөө планынын аткарылгандыгы тууралуу маалымат берилди. Эмдөөдөн баш тартуу кандай коркунучтарга алып келээри айтылды. Илдет өтүшүп кетсе башка оорулардын да пайда болорун билдирди. Вакциналардын түрлөрү, курамы, эмдөөдөн кийинки реакциялар, вакцина алгандан кийин көп кездешүүчү көрүнүштөр тууралуу сөз болду.

       Саламаттыкты сактоо мекемелеринде балдардын жана айрым чоңдордун арасында эмдөөлөр жүргүзүлүп келет. Ошонун негизинде балдардагы айрым ооруулардын алдын алууда. Бирок ага карабай эмдөөдөн баштарткандар акыркы 5-6 жылда көбөйгөн. Вакцинаны албай коюу кызамыктын жайылышын шарттап жатат. Бул ооруга балдар көп кабылат. Эмдөөдөн баш тарткан ата-энелер учурда көп катталган район-шаарларда социалдык мобилизация уюштуруп, түшүндүрүү иштери жүргүзүлүп жаткандыгын, эмдөө маанилүү экендигин облЦСМдин директорунун орун басары Г.Маматалива билдирди.

      Ошондой эле, ковид оорусун жугузуп алуу коркунучу болуп, “эмдөөдө чипти салып коёт ” –деген интернет булактарындагы “фейк” маалыматтарга ишенип, эмдөөдөн баш тартуулардын санынын өсүүсүнө алып келди. Кээде эмдөөнүн вакцинасына ишенбөөдөн, диний көз караштардан улам да албай койсо боло берет деген ишенимден улам да келип чыгууда. Эмдөөнүн жыйынтыгы болуп, ал менен башкарыла турган оорулар дээрлик жокко эсе. Мисалга ала турган болсок 1992-жылдан бери бизде “шал” оорусу каттала элек.

Нурзада МАЖИДОВА “АЙМАК”