Аймак

БУХАРА ОБЛУСУНДА ГАЗСЫЗ КАЛГАН ТУРГУНДАР АВТОУНАА ЖОЛУН ТОСУШТУ

БУХАРА ОБЛУСУНДА ГАЗСЫЗ КАЛГАН ТУРГУНДАР АВТОУНАА ЖОЛУН ТОСУШТУ

 1,086 Бардыгы /

Социалдык түйүндөрдө өзбекстандыктар автоунаа жолун тосуп, жаратылыш газын берүүнү калыбына келтирүүнү талап кылып жатышканы тартылган видео жарыяланды.

Жергиликтүү басылмалардын маалыматына караганда, окуя 10-декабрга караган түнү Бухара облусунда болгон.

Видеодо негизинен аялдардан турган ондогон жаран жол тосууга аракет кылып, Жол коопсуздук кызматынын өкүлдөрү менен сүйлөшүп жатканын көрүүгө болот. Алардын айтымында, 60ка жакын үй газсыз калган.

Бухара облустук акимчилиги окуя боюнча текшерүү иштери жүрүп жатканын билдирди. «Бул окуяны облус акимчилиги, жетекчилер жана аткаминерлер карап жатышат. Текшерүүнүн жыйынтыгында кошумча маалымат берилет», — деди мекеменин өкүлү.

Өзбекстанда буга чейинки жылдардагыдай эле быйыл да жаратылыш газы менен электр энергиясы өчүрүлүүдө. Буга байланыштуу өлкө аймактарындагы тургундар нааразылык билдирип чыгышууда.

Өткөн жылы Анжиян, Фергана, Сырдарыя облустарынын жана Каракалпакстандын жашоочулары газ менен жарыктын тез-тез өчүрүлүшүнө нааразылык билдирип, бир нече жолу унаа жолдорду тосушкан.

WWW

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17