1,137 Бардыгы /

Навои облусунун Хатырчин районунда жергиликтүү бийликти сотко берген фермердин сөөгү арыктын жээгинде табылды. Ал иштетип жүргөн айдоо жердин ижара мөөнөтүн токтотуу тууралуу район башчысынын чечими боюнча доо арыз жазган.

Өзбек басылмаларынын маалыматына караганда, фермердин сөөгү өткөн айдын башында арыктан табылган. Бул маалыматты өлкөнүн Башкы прокуратурасынын басма сөз катчысы Хаёт Шамсутдинов ырастады.

Башкы прокуратуранын өкүлү бул иш боюнча тергөө башталганын, ошол эле маалда кылмыш ишин козгобоо чечими кабыл алынганын билдирди. Анын айтымында, соттук-медициналык экспертиза фермер тумчугуп өлгөн деген жыйынтык чыгарган.

Шамсутдинов бирок маркумдун туугандары күмөн санап жаткандыктан, кийинчерээк кылмыш ишин козгоодон баш тартуу чечими кайра жокко чыгарылганын кошумчалады. Учурда тергөө иштери уланууда.

WWW