1,272 Бардыгы /

Журналистика жана массалык коммуникациялар университетинин ректору, Эл аралык пресс-клубдун төрагасы Шерзохон Кудратхожаев орусча- ев суффиксинен баш тартты. Бул тууралуу ал «Өзбекстан 24» телеканалында түз эфирде маек берип жатып билдирди.

Ал мындан ары Кудратхужа Шерзохон Тожиддинхон угли деген ысымды алып жүрөрүн айтты.

«Биз өзүбүздү таанып, улуттук сыймыгыбызды сезбесек, эч качан өнүгө албайбыз», — деди ал.

Ректор «улут үчүн тил- адамдын ДНКсы сыяктуу» деп айтып келет.

2018-жылы Шерзохон Кудратхожа орус аялдан өзбекче сүйлөөнү талап кылып, жаңжалга кабылган. Аял аны улутчулдукка айыптаган.

Тажикстанда да ов (а) же -ев (а) суффиксинен баш тарткан учурлар көп. 2007-жылы өлкө президенти Эмомали Рахмонов фамилиясын Рахмон кылып өзгөрткөн. Ага улай көптөгөн аткаминерлер да фамилияларын алмаштырышкан.