1,182 Бардыгы /

Өзбекстанда президенттик администрацияга караштуу Маалымат жана массалык коммуникациялар агенттиги мамлекеттик кызматкерлерди мажбурлап гезит-журналдарга жаздырууга каршы экенин билдирди.

«Ар бир окурман өзү жактырган жана керектүү деп эсептеген басылмаларга өз каалоосу менен жазылышы керек. Гезит-журналдарга жаздыруу — калк арасында үгүт иштерин жүргүзүү, басылмалардын сапатын жакшыртуу, окумдуулугун арттыруу жана интернет-интеграциясын тездетүү аркылуу жүргүзүлүшү зарыл», – деп жазылган мекеменин билдирүүсүндө.

Агенттик гезит-журналдарды чыгарган мамлекеттик органдарды өз басылмаларына бардык тараптан колдоо көрсөтүп, материалдык-техникалык базасын чыңдоого, макалалардын сапатын жакшыртууга жана калк арасында популярдуулугун арттырууга чакырды.

Өзбекстанда бюджеттик мекемелердин кызматкерлерин басылмаларга мажбурлап жаздыруу тажрыйбасы көп жылдан бери колдонулуп келет.

WWW