2,010 Бардыгы /

ОШ. Кыргызстандын Түштүк башкаласынын биринчи вице-мэри Саибжан Турдуев өз арызына ылайык кызматынан бошотулду. Бул жөнүндөгү атайын буйрукка Ош шаарынын мэри Таалайбек Сарыбашов кол койду.

Тилекке каршы, ишинен бошогон Саибжан Турдуевдин ордуна азырынча эч ким дайындала элек. Экс-биринчи вице-мэр – кесиби боюнча юрист, ишкер. Бул кызматка 2018-жылы май айында дайындалган.

Ош шаары ээлеген аймагы жана калкынын саны жагынан баш калаабыз Бишкектен кийинки эле орунда ээлейт. 2000-жылы шаардын үч миң жылдык мааракесин белгилөө учурунда ошол кездеги президент Аскар Акаев Ошко «Түштүк борбору» деген макам ыйгарган. Бирок, кийинки бийликтин тушунда бул макам алынып салынган.

Алишер ТОКСОНБАЕВ “АЙМАК”