1,371 Бардыгы /

Кыргыз журналисти Чолпон Орозобекованын өмүр таржымалы БУУнун мааракесине арналган «Эл аралык Женевадагы 126 жүрөктүн кагышы» китебине кирди. Китеп Женевада англис жана француз тилдеринде жарык көрдү.

«Эл аралык Женевадагы 126 жүрөктүн кагышы»  Бириккен Улуттар уюмунун мааракесине арнап чыгарылып, ар улуттагы ийгиликтүү адамдардын өмүр таржымалын камтыйт.  Анда Кыргызстандын атынан Булан институтунун директору Чолпон Орозобекованын өмүр таржымалы дагы кенен-чонон баяндалат. 

• Бул китепке кирген адамдар биздин дүйнөнү өзгөртүп, ар бири өзү

билген жол менен жакшыртып атат, – деп айтылат китептин баш сөзүндө.

Айтмакчы, аталган китеп БУУнун алгачкы фундаменти төптөлүшүнүн 100 жылдыгына арналат. Анда көбүнчө Женевада адам укугу, коопсуздук, тынчтыкты сактоо жана гуманитардык багытта иш алып барып, өздөрүн түптөп, өз идеясы менен жеке долбоор ишке ашырып аткандар адистер киргилген. Биргездеги журналист Чолпон Орозобекова Булан институтун үч жылдан бери жетектеп келатат. Буга дейре Женевадан Эл аралык коопсуздук жана Саясат таануу боюнча магистратураларды аяктап, бир нече Эл аралык уюмдарда дагы иштеген.

Ушул тапта Булан институтунун Женевада кеңсеси бар жана алты кызматкер туруктуу эмгектенет. Андантышкары ар кайсы өлкөлөрдө чоң изилдөөчүлөр жана серепчилер үйүнү бар. Булан институту изилдөө институту катары терроризм, диний экстремизм жана адам укугу багытында изилдөөлөрүн англис тилинде жарыялап келатат.

Алишер ТОКСОНБАЕВ “АЙМАК”