Аймак

КОРОНАВИРУСКА КАРШЫ ТҮШҮНДҮРҮҮ ИШТЕРИ ЖҮРҮҮДӨ

КОРОНАВИРУСКА КАРШЫ ТҮШҮНДҮРҮҮ ИШТЕРИ ЖҮРҮҮДӨ

 696 Бардыгы /

Кара-Көл шаардык ички иштер бөлүмүнүн жашы жете электер менен иштөө инспекциясынын кызматкерлери мектеп окуучуларына коронавируска каршы түшүндүрүү иштерин жүргүзүүдө. Бул тууралу Жалал-Абад ОИИБдин Басма сөз кызматынан кабарлашты.

Жугуштуу илдеттин алдын алууда тиешелүү санитардык нормаларды сактоо керектиги эскертилүүдө. Тартип сакчылары өспүрүмдөрдү жеке гигиеналык эрежелерди сактоого жана тазалыкка үндөп жатышат. Мындан сыркары кылмыштуулуктан алыс болууга, мыкты билим жана тарбия алуу менен келечекте кесипкөй адис болууга чакырышууда. Ошондой эле күн суук мезгилдерде жолдо жүргөн учурда этияттык менен акырын басуу жана жол эрежелерин так сактоо керектиги жеткирилди.

Ал эми шаар аймагындагы коомдук жайларда санитардык эрежелердин сакталуусу тиешелүү кызмат өкүлдөрү менен биргеликте көзөмөлгө алынып жатат. Атайын түзүлгөн топ тарабынан санитардык нормаларды сактабаган жайларга эскертүүлөр берилүүдө. Ошондой эле оорунун жайылуусуна бөгөт коюу үчүн ар бирибиз жоопкерчиликтүү мамиле жасоо керектиги айтылууда.

Байканбек САДЫКОВ “АЙМАК”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17