643 Бардыгы /

Бүгүн Жалал-Абад шаарынын мэрии Эрнисбек Ормоков 5 жаштагы Айдар жана анын апасын табууга көмөктөшкөн Назгүл Насиева менен жолугушту. Бул маалыматты шаардык мэриянын басма сөз кызматы билдирди.

Аны менен бирге баланын апасы жана издөө иштерине салымын кошкон милиция кызматкери да келди.

Айдарды Бишкек шаарынан укук коргоо кызматкерлери таап алып, балдар үйүнө өткөрүлүп берилген. Угуу жана сүйлөө мүмкүнчүлүгү чектелген наристени журналист Назгүл Насиева балдар үйүнөн көрүп апасын издөөгө киришкен. Социалдык тармак аркылуу баланын үй-бүлөсү табылып, апасы Жалал-Абад шаарынын тургуну экени белгилүү болгон.

Эми Айдар апасынын карамагында  болот. Шаардык бийлик да булүй-бүлөгө ар тараптуу жардам берүүгө аракет кылат.  Бүгүнкү жолугушууда мэр баланын апасына 30 миң сом акчалай жардам тапшырды. Ал эми Назгүл Насиева менен милиция кызматкерине мэриянын ыраазычылык баракчалары ыйгарылды.

Байканбек САДЫКОВ “АЙМАК”