783 Бардыгы /

ОШ. Кыргыз Өкмөтүнүн Ош облусундагы ыйгарым укуктуу Өкүлү Жарасул Абдураимов Орусиянын Ош облусу жана Ош шаары боюнча Башкы консулу Роман Свистин менен жолугушту.

Сүйлөшүү маалында эки мамлекеттин ортосундагы саясий- экономикалык алакалар, инвестиция үчүн жагымдуу климат жана, коопсуздук маселелери дагы кенен-чонон талкууланды. Жарасул Абдураимов Орусияга пандемилялык кырдаалдагы, ага чейин да экономикалык колдоосу үчүн терең ыраазычылыгын билдирди. Ошондой эле өзң дагы Орусиядан билим алгандыгын, азыр дагы ошол электрондук механизмдерди чыгаруу жаатындагы кесиптештери менен тыгыз байланышта экендигин жашырган жок. Жыл сайын Орусиянын техникалык -инженердик багытта ондон кем эмес мектеп бүтүрүүчүсүн жогорку окууга тапшыртып, каржылай тургандыгын дагы кошумчалады.

Ал эми Орусиянын Ош облусу жана Ош шаары боюнча Башкы консулу Роман Свистин: – Орусия мамлекети Сиздин электрондук механизмдерди чыгаруу тармагындагы Кыргызстанда чыгаан адис экендигиңизди жогору баалайт. Ошондой эле мындан ары дагы Кыргызстанда өндүрүштү өркүндөтүү жана инвесторлорду тартууда алгылыктуу иш алып барат деп терең ишенет, – деди.

Соңунда Ош облусунан кургатылган жемиштерди экспорттоо, энергетика тармагын өнүктүрүү, чакан ГЭСтерди куруу боюнча Орусиядан инвестор тартуу тууралуу жагдайлар ачык талкууланды.

Алишер ТОКСОНБАЕВ “АЙМАК”