Аймак

БАТКЕНДЕ 200 ОРУНДУУ ООРУКАНА ИШКЕ КИРИШТИ

БАТКЕНДЕ 200 ОРУНДУУ ООРУКАНА ИШКЕ КИРИШТИ

 693 Бардыгы /

БАТКЕНБаткен облусуна караштуу Кадамжай районунда Өзбек Республикасынын колдоосу менен курулган  200 орундуу жугуштуу оорулар ооруканасы салтанаттуу түрдө пайдаланууга тапшырылды.

Аталган иш-чарага Кыргыз Өкмөтүнүн Баткен облусундагы ыйгарым укуктуу Өкүлүнүн аппарат жетекчиси Мунарбек Насиров катышып, Өзбекстан Республикасынын Президенти Шавкат Мирзиеевге жана жалпы өзбек элине Баткен элинин атынан ыраазычылыгин билдирип, бул жышаан  кыргыз-өзбек элинин кылым карыткан кошуналык мамилесин дагы бир ирет бекемдегендигин баса белгиледи. Ушундан соң Өзбекстандын  Саламаттыкты сактоо министринин биринчи орун басары Амрилла Иноятов баштаган делегация оорукананы Баткен элине салтанаттуу түрдү тапшырышты.  Баса, аталган оорукананын ачылуу аземине Кыргызстандын  Саламаттыкты сактоо министри Алымкадыр Бейшеналиев жана жергиликтүү саламаттыкты сактоо кызматкерлери дагы катышышып, кооптуу илдет менен күрөшүүдө түзүлгөн шарттар үчүн терең ыраазычылыктарын билдиришти.

Ошентип, жеңил конструкцияда, модулдук курулмалар менен курулган, эки имараттуу оорукана бир айга жетпеген аралыкта курулуп бүтүп, толугу менен Өзбекстан Республикасы тарабынан каржыланды. Оорукана керектүү заманбап медициналык жабдуулар жана эмеректер менен дагы толук камсыздалып, бейтаптар үчүн бардык ыңгайлуу шарттар түзүлгөн. 

Алишер ТОКСОНБАЕВ “АЙМАК”

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17