993 Бардыгы /

ОШ. Кара-Суу районундагы Шарк айылында ата-баланын 100 миң долларын белгисиз бирөөлөр карактап кетишти.

• Кара беткапчан үч адам кара түстөгү “Сангенг муссо” үлгүсүндөгү

автоунаа менен каршы тилкеде келаткан автоунааны сүзүп токтотушкан. Тигилер жабырлануучуну тапанча менен бутуна атып, баштыктагы 100 миң долларын тоноп, “Деу Некси” автоунаасына олтурушуп, андан ары изин суутушкан, – деди Ош облустук ички иштер башкармалыгынын басма сөз кызматынын жетекчиси Жеңиш Ашырбаев.

         Айтмакчы, ок атылган жерден гилзалар табылды. Кылмыш иши козголуп, сотко чейинки териштирүү жараяны башталды. Буга дейре дагы Ош жергесинде ири өлчөмдөгү акчаларын талатып-тоноткон окуялар көп катталган. Тилекке каршы, булардын биринин дагы эмдигиче бети ачыла элек.

Алишер ТОКСОНБАЕВ “АЙМАК”